2018-10-11

6 خطوات تخلى طفلك يحكي ايه كل اللى حصل معاه فى يومه ؟



يا ترى ايه اللى حصل مع أولادنا طول اليوم من ورانا فى الحضانة او المدرسة او حتى لو سيبنهم فى البيت ... طبعا مهم جدا نعرف تفاصيل اطفالنا عشان نتأكد من سلامتهم ...  ملخصة في 6 خطوات هامة : الـ 6 خطوات :  1- ( اسألى_صح ) : متسأليش طفلك " عملت ايه النهارده ؟ " بلاش تخلى اسئلتك عامه الطفل فى سن صغير غير قادر على فهم  #السؤال_العام ، فهيجوبك كويس او الحمد لله ، وطبعا ده مش هيخليكى فهمتى عمل ايه ...  الافضل انك تسألى السؤال_المحدد والواضح زى مثلا :  - لعبتى ايه النهارده مع اصحابك ؟ - ايه اكتر حاجه فرحتك النهارده ؟ - الميس انبسطت منك النهارده ؟  - حاجه ضياقتك النهارده ؟  2- ( الوقت_المناسب ) : اختارى الوقت المناسب للسؤال ، يعنى مش من اول مايدخل اسئلة . خليه يرتاح و يلعب ...  وافضل وقت تسأليه فيه هيكون قبل النوم ، خلاص بيكون بيرتاح و يقدر يسترجع كل اليوم . 3- ( الاستماع وليس السمع فقط ) : خليكى دايما مهتمه و مستمعه جيدا لكل اللى بيقولوه و بيحكيه اسمعيه للاخر دايما و اوعى تقطعيه فى النص او تستهيفى كلامه بل على العكس تعاطفى مع اللى بيقوله وادعميه .. فرق كبير بين السمع والاستماع ...  4 - (التشجيع ) : امدحيه دايما وشجعيه طول مهو بيتكلم معاكى هيديله ثقه فى نفسه و يوسع مساحة الكلام و هيخليه يحكى اكتر .. 5- ( التوجيه وليس العقاب ) :  اوعى تزعقى لطفلك لو هو بيحكيلك على حاجه معجبتكيش او غلط عمله ، الافضل تستنى تانى يوم و تقعدى مع والده وتشوفوا  ازاى هنتعامل مع الغلط اللى عمله ؟ و تتكلمه معاه بهدوء ، غير كده هتكونى عملتى حاجز بينك و بين ابنك او بنتك و مش هيحكيلك حاجه تانى . 6- ( احترام الوعد ) : لازم تحترمى و عودك ليه لما يقولك الحاجه دى سر بينا و متحكهوش لحد لازم تعملى كده و لو لازم ان الاب يعرف اوعى تفهميه انك حكيتيله او ابوه يقوله انك حكيتيله. تكوين علاقه مع ولادك مش مستحيل شوية خطوات و هتوصلى بيهم لكل اللى بتحلمى بيه ... كل ما يتم التواصل صح كل ما عملية التربية تكون اكثر فاعلية 


Site Admin: المصدر



البوم الصور

Image Slider